കൊച്ചി നഗരത്തിൽ ഇന്ന് കുടിവെള്ള വിതരണം മുടങ്ങില്ലെന്ന് ജല അതോറിറ്റി അറിയിച്ചു. തമ്മനം പമ്പ് ഹൗസിൽ നടത്താനിരുന്ന അറ്റകുറ്റപ്പണി മാറ്റിവെച്ചതിനാലാണ് ഈ തീരുമാനം. ഇന്ന് രാത്രി മുതൽ രണ്ടുദിവസത്തേക്ക് കൊച്ചിയിൽ കുടിവെള്ള വിതരണം തടസപ്പെടുമെന്നായിരുന്നു നേരത്തെ അറിയിപ്പ്. കോർപ്പറേഷൻ ഡിവിഷനുകളിലും ചേരാനെല്ലൂർ, മുളവുകാട് പഞ്ചായത്തുകളിലും വെള്ളം ലഭിക്കില്ലെന്നും അറിയിച്ചിരുന്നു. ഇന്ന് രാത്രി പത്ത് മണി മുതൽ നാലാം തീയതി രാത്രി ഒമ്പത് മണി വരെയായിരുന്നു വെള്ളം മുടങ്ങുമെന്നാണ് മുൻകരുതൽ അറിയിപ്പ് നൽകിയിരുന്നത്.