കേരളത്തിലെ പോലീസ് സ്റ്റേഷനുകളിൽ കാലാകാലങ്ങളായി നടന്നുവരുന്ന ലോക്കപ്പ് മർദ്ദനം ജുഡീഷ്യൽ കമ്മീഷനെ നിയമിച്ച് അന്വേഷണം നടത്തി കുറ്റവാളികളെ മാതൃകാപരമായി ശിക്ഷിക്കണമെന്ന് ഭാരത് ധർമ്മ ജന സേന സംസ്ഥാന ജനറൽ സെക്രട്ടറി എ. ബി. ജയപ്രകാശ് ആവശ്യപ്പെട്ടു. എറണാകുളം നിയോജകമണ്ഡലം കമ്മിറ്റി സംഘടിപ്പിച്ച പ്രവർത്തക സംഗമം ഉദ്ഘാടനം ചെയ്യുകയായിരുന്നു അദ്ദേഹം.
യാതൊരുവിധ കുറ്റവും ചെയ്യാത്ത നിരപരാധികളെ പോലും ക്രൂരമായി മർദ്ദിക്കുന്ന ദൃശ്യങ്ങളാണ് ഇപ്പോൾ പുറത്തുവന്നുകൊണ്ടിരിക്കുന്നത്. കേരളജനതയെ അവഹേളിക്കുന്നതും ലജ്ഞിപ്പിക്കുന്നതുമാണിതെന്ന് അദ്ദേഹം തുടർന്ന് പറഞ്ഞു.
യോഗത്തിൽ മണ്ഡലം പ്രസിഡന്റ് കെ കെ പീതാംബരൻ അധ്യക്ഷത വഹിച്ചു. സംസ്ഥാന എക്സിക്യൂട്ടീവ് അംഗം ശ്രീകുമാർ തട്ടാരത്ത് സംഘടന സന്ദേശം നൽകി. എറണാകുളം സിറ്റി ജില്ലാ പ്രസിഡന്റ് സുജിത്ത് പള്ളുരുത്തി മുഖ്യ പ്രഭാഷണം നടത്തി. മഹിളാസേന ജില്ലാ പ്രസിഡന്റ് ബീനന്ദകുമാർ, മഹിളാ സേനാ മണ്ഡലം പ്രസിഡന്റ് വാസന്തി ടീച്ചർ, പി ഐ തമ്പി, സതീഷ് കുമാർ കുളങ്ങര എന്നിവർ പ്രസംഗിച്ചു.
ആദ്യകാല പ്രവർത്തകരായ വിജയൻ നെരിശാന്തറ, വി. ജെ. സോജൻ ചേരാനല്ലൂർ, സതീഷ് കുമാർ കുളങ്ങര അയ്യപ്പൻകാവ്, രാജമ്മ അയ്യപ്പൻ കീർത്തി നഗർ, പി.ഐ തമ്പി കലൂർ, പി.പി. ബിന്ദു വടുതല, രേഖ ഓമനക്കുട്ടൻ കുറുപ്പംചിറ തുടങ്ങിയവരെ പൊന്നാട അണിയിച്ച് ആദരിച്ചു. മണ്ഡലം വൈസ് പ്രസിഡന്റ് ഗിരീഷ് തമ്പി സ്വാഗതവും ജനറൽ സെക്രട്ടറി ബിജു കെ.
ഗോപി നന്ദിയും പറഞ്ഞു.